Zhvendosja e Teatrit Kombëtarë ka ngjallur debat të fortë mes artistëve dhe ministres së Kulturës Mirela Kumbaro.
Ata shprehen se godina e re e teatrit Turbina nuk do të ketë kushtet e përshtatshme për të zhvilluar krijimtarinë e tyre.
Ministrja e Kulturës Mirela Kumbaro përmes një interviste në Vizion Plus, i është përgjigjur kërkesës së artistëve.
Kumbaro ka shpjeguar se teatri nuk do të jetë pjesë e një kulle, pasi ky projekt nuk ekziston.
Ministrja thekson se kjo lëvizje do të jetë e përkohshme, kjo gjë do të zgjasë deri në ndërtimin e një teatri të ri dhe me kushtet e përshtatëshe.
Lidhur me disa ndryshime që Ministria e Kulturës i ka bërë ligjit bazë, ministrja sqaron se drafti është në fazën fillestare dhe se gjatë javës në vijim do të ketë konsultime me grupet e interesit.